Brandmalerei / Glubbalbrennerei
Wia kimm i zur Brandmalerei?
Nach da Idee, Menschen zu vakuppeln mid de Glubbal, war de Frage, wia i de Glubbal beschrifte. O´gfanga hods mit ner extra gebauten Eisenvorrichtung durch mein Bruada. Rudi Linner www.car-more.de, der anhand ner Druckpistole olle auf´zwicktn Glubbal lackiert hod, damid i de dann mid aam wasserfestn Stift vor Ort auf Festl beschriften kinna hob. Des war fein für´n Anfang. Aber mir hod der robustere Charakter dabei g´fehlt. A Brandlötkoim hod her miassn!
Übung machd den Moasda… Mittlerweile gähd mir s´gravieren genauso guad vo da Hand, wia s´Schreim mid am Kuglschreiba. Und des scheenste dro – es gfreid und entspannt mi genauso wia wenn andere Leid gern auf z.B. a Leinwand moin.
Zua Brandmalerei, de wo a Pyrographie
g´nennt wird, is´ noch und noch kemma. Oanzelstückl san ma brocht wordn, zur Personalisierung wia z.B. a Sonnabanggal, Weinkistl, Diaschuidl, Bamschuidl, Kuahgloggn (Gravur aufn Lederriemen), Kleiderbügel für´s Moasdastüggl, Musiordner aus Hoiz uvm.
Mim Glubbal hob i den bayrischen Singlemarkt revolutioniert.
Individuelle Brandmalerei
Jetzad, wo i mein G´schenkladen im Bauernhof hob, hob i de Möglichkeit, sämtliche Werkstückl individuell zu gravieren.
Des beliebteste G´schenk is a Brotzeitbrettl mit z.B: Namen drauf, Hobbysymbole (Motorradl, Eishockeyspieler, Radl, Berge) oda ner Widmung. Ebenso Brotzeitdosn aus Blech mit Hoizdeckel.
Des feine dabei is, dass ois an „Sinne“ hod. Für´s Herz UND fürn Alltagsgebrauch. Und meistens is no nachhaltig.
Egal ob Lederschlüsselanhänger, Taschnmesser, Kuglschreiber, USB Sticks, Kochleffe, Soiz- und Pfeffermühlen, Schuidl…. I gravier von Herzen gern Eichane Wünsche.
Materialien: i brenn auf alle Naturmaterialen, de wo unbehandelt san. Hoiz, Leder, Hirschhorn und Kork.
Wos kunn i dir individuell gravieren?
- Glubbal
- Brotzeitbrettl und Brotzeitbox'n
- Lehne von am Hausbankerl
- Lederschlüsselanhänger
- Taschnmesser
- Kuglschreiber
- Kochleffe
- Soiz - und Pfeffermühlen
- Schuidl
- Kleiderbügel
- uvm.